麻煩魚2025- 香港Designer的書

2008年出版第一本繪本之後，我以為可以每年或者隔年就出一本！點知一等就等咗十七年！因為生活真係好忙碌！

為工作忙碌值得嗎？喺工作上，有時係好被動嘅，當有啲突如其來嘅變化發生嗰陣，係會令人好好反思吓。好多想做嘅嘢，如果而家唔做，再過多啲時間，可能真係「無心無力無機會」再做！我唔想再俾藉口自己~ 以後想做嘅嘢，只要Plan好咗，就照Go！盡做！

當年出繪本時係剛離開Ogilvy到Yellow Creative 工作，嗰時真係爽，住荷里活道，行路返公司～夜晚同班friends飲酒飲到凌晨，第二朝起身都仲返到工！年輕！堅揪子~

年輕真係乜都做得出，試過最短返過一份工，做咗半日就走人，仲要lunch嘅時侯偷偷哋上公司拎返隻杯~

之後有一年，我竟然可以加入我夢寐以求嘅Turner Broadcasting公司返工，加入佢旗下嘅
Cartoon Network! 再之後，有一年，我竟然走去創業，開咗間舖頭賣Designer Tee。
再之後之後...

由2012年到而家，我都係好穩定咁做緊同一份工。一個Designer人到中年就係咁樣？我竟然會喺同一間公司做咗足足十幾年！真係難以置信！當你喺一間機構做耐咗嘅時候，你就會發覺喺唔同年期、唔同管理層管治下，會有唔同嘅局面。無論佢變成點、改成點都好，作為一個出嚟撈嘢嘅打工仔，最緊要識見步行步，睇住嚟玩。

到底呢十幾年，我身上發生咗啲乜嘢事呢？一言難盡，去片~